Варатынская Галіна Аляксандраўна
нарадзілася 21 студзеня 1953 года ў вёсцы Ваўчо Ушацкага
раёна Віцебскай вобласці. У 1970 годзе скончыла Ушацкую
сярэднюю школу.
Старшакласніцай стала пісаць вершы, публікаваць іх у раённай
газеце.
У1980 годзе скончыла завочна Беларускі дзяржаўны
універсітэт.
3 1972 да 1974 года была бібліятэкарам Арэхаўскай сельскай
бібліятэкі. 3 1974 года працуе ва ўшацкай раённай газеце
«Патрыёт».
Піша вершы, з года ў год удасканальвае сваё майстэрства. У
1995 годзе ў «Бібліятэцы часопіса «Маладосць» выйшаў зборнік
яе вершаў «3 будзённасці ўзляцець...». У 1996 годзе адбылася
прэзентацыя кнігі ва Ушацкай ЦРБ імя Е.Я. Лось.
Г.А. Варатынская піша вершы, прысвячаючы сваёй малой радзіме
– Ушаччыне:
«І глыбінна, і мудра, і шчыра
Над Ушачамі восень плыве
У журавоў на абветраных крылах,
Абвяшчаючы волю журбе.
Дакрануся паглядам да птушак,
Кіну лёгкі свой сум з-пад рукі
Гэта нашы адчайныя душы
Над Радзімай выводзяць кругі».
З'яўляецца старшынёй раённай Рады рэспубліканскага
грамадскага аб'яднання «Таварыства беларускай мовы імя
Францыска Скарыны», узначальвае літаратурнае аб'яднанне пры
ўшацкай раённай газеце, а таксама клуб творчых сустрэч пры
Ушацкім раённым Доме культуры.
Літаратура
1. Варатынская Галіна Аляксандраўна // Памяць :
гісторыка-дакументальная хроніка Ушацкага раёна / рэдкал.
Г.К. Кісялёў [і інш.]. – Мн., 2003. – С. 550.
2. Варатынская Галіна // Пісьменнікі Віцебшчыны :
даведнік / рэд. Ф. Сіўко. – Віцебск, 2001. – С. 24-25.
3. Канапелька, А. Галіна Варатынская / А. Канапелька
// Народнае слова. – 2001. – 14 жн.
4. Сіўко, Ф. “Галінка з дрэва спадчыннай Ушаччыны” /
Ф. Сіўко // Народнае слова. – 2003. – 8 лют.
