Пшчолка Аляксандр Раманавіч
(псеўданім Белорусс, А. Крицкий), празаік, публіцыст,
этнограф. Нарадзіўся ў 1869 г. у в. Чарсцвяды ў сям’і дзяка.
Закончыў Віцебскую духоўную семінарыю (1890). Служыў у
Маркавым манастыры (1890г., Віцебск). Працаваў у
сельскагаспадарчай школе, дзе выкладаў агародніцтва і
садоўніцтва, народным настаўнікам у Арэхаўскай школе,
выкладчыкам у лясным тэхнікуме. З 1907 г. у акруговым судзе
г. Вільня, міравым суддзёй у Себежы, адвакатам пры Полацкім
губернскім судзе ў г. п. Старая Таропа Калінінскай воласці.
Друкаваўся з 1898 г. у
«Витебских губернских ведомостях»,
пазней у газетах “Сельский
вестник”,
“Минское слово”, “Белорусская жизнь” і інш.
Пісаў на беларускай і рускай мовах.
Выдаў больш за 10 кніг апавяданняў і нарысаў, дзе паказаў
неўладкаванасць і бюракратызм мясцовых чыноўнікаў.
У этнаграфічных нарысах апісваў народныя звычаі і абрады
Лепельшчыны (“Дзяды”, “Мікітавы хаўтуры”, “Зажынкі і
абжынкі”, “Беларускія святы”).
Пад яго рэдакцыяй выдадзена паэма “Тарас на Парнасе”.
Памёр у 1943 годзе.
Літаратура
1. Дарафееў, А.М. Гарадоцкая старонка з жыцця
пісьменніка А. Пшолкі // Памяць : Гарадоцкі раён :
гісторыка-дакументальныя хронікі гарадоў і раёнаў Беларусі /
уклад. С.І. Садоўская ; рэдкал. Н.А. Бурунова [і інш.]. –
Мн., 2004. – С. 285 – 286.
2. Пшчолка Аляксандр Раманавіч // Памяць :
гісторыка-дакументальная хроніка Ушацкага раёна / рэдкал.
Г.К. Кісялёў [і інш.]. – Мн., 2003. – С. 59 – 60.
3. Януш, І. Захавальнікі спадчыны / І. Януш
// Лепельскі край. - 2003. – 15 ліп.
