Аршанскі Бэр
- празаік, драматург, літаратуразнавец, публіцыст.
Нарадзіўся 30.11.1883 г. у Гарадку. З 1902 г. жыў у Рызе. У
1908 г. пераехаў у Вільню. У гады, калі Заходняя Беларусь і
Вільня апынуліся пад польскай уладай, працаваў у падполлі. У
пачатку 1920-ых гадоў пераехаў у Мінск. Некаторы час
загадваў яўрэйскай секцыяй Інбелькульта. Потым, магчыма,
працаваў у АН БССР. У 1930-ыя гады пабываў на Калыме.
Літаратурную працу пачаў у Вільні, дзе выдаў некалькі п’ес,
у тым ліку драму “Пачатак усходу” пра рэвалюцыйныя
падзеі 1905-1906 г.г. Апублікаваў некалькі зборнікаў
займальных апавяданняў для дзяцей. Некаторыя з іх прысвечаны
Кастрычніцкай рэвалюцыі, грамадзянскай вайне. Даследаваў
яўрэйскую літаратуру Беларусі, праблемы тэатра. П’еса Б.
Аршанскага “Кроў” ставілася на сцэне яўрэйскага
тэатра БССР.
Памёр 15.11.1945 г.
Пісаў на яўрэйскай, беларускай і рускай мовах.
ТВОРЫ
1.
Аршанскі, Б. Арцём / Б. Аршанскі.
- М., 1932. – [?] с.
2.
Аршанскі, Б. Вечны сон : п’еса /
Б. Аршанскі. – Вільна, 1909. – [?] с.
3.
Оршанский, Б. В мундштуке
папиросном : рассказ / Б. Оршанский // Звязда. – 1925. –
19 ліп.
АБ ЖЫЦЦІ
І ТВОРЧАСЦІ
1.
Аршанскі Бэр // Беларускія
пісьменнікі : біябібліяграфічны слоўнік : у 6 т. / пад
рэд. А.В. Мальдзіса. – Мн., 1992. – Т. 1. – С. 106-107.
2.
Аршанскі Бэр // Памяць : Гарадоцкі
р-н : гісторыка-дакументальныя хронікі гарадоў і раёнаў
Беларусі / уклад. С.І. Садоўская ; рэдкал. Н.А. Бурунова
[і інш.]. – Мн., 2004. – С. 281-282.
