БАГДАНОВІЧ Анатоль Васілевіч
(28.08.1888 – 02.08.1969), беларускі і рускі мовазнаўца, педагог.
Навучаўся ў Віцебскай духоўнай семінарыі, а ў 1913
г. скончыў гісторыка-філалагічны факультэт Варшаўскага
універсітэта. З 1925
г. пачаў выступаць па пытаннях беларускага мовазнаўства. З
лютага 1926
г.
– дацэнт кафедры беларускай мовы Беларускага дзяржаўнага
універсітэта. Паралельна ў Інстытуце беларускай культуры
сакратар Камісіі правапісу і Камісіі беларускай літаратурнай
мовы. У 1926
г. выйшла брашура «Увагі да праекту па рэформе правапісу». У
1927
г. – падручнік для тэхнікумаў і самаадукацыі «Беларуская
мова». Прымаў дзейсны ўдзел у распрацоўцы праектаў
беларускага правапісу 1930 і 1933
гг.
Падчас працы ў Краснадарскім краі ў сааўтарстве з іншымі
педагогамі выдаў падручнік рускай мовы для адыгейскіх школ.
Апошнія гады працаваў у Херсонскім педінстытуце.
Рукапісы некаторых прац канца 20-х – пачатку 30-х гг.,
прысвечаныя мове беларускага народа, не маглі ў той час
трапіць у друк і захоўваюцца ў бібліятэцы Нацыянальнай
Акадэміі навук Беларусі.
Літаратура
1. Багдановіч
Анатоль Васілевіч
// Беларуская Савецкая Энцыклапедыя: у 12 т. / рэдкал.: П.У.
Броўка
[і
інш.].
– Мн., 1970. – Т. 2. – С. 59.
